Прэзідэнт Беларусі павіншаваў калектыў рэдакцыі часопіса «Нёман» з 70-годдзем з дня выхаду ў свет першага нумара гэтага старэйшага беларускага літаратурна-мастацкага выдання, паведамілі ў прэс-службе кіраўніка дзяржавы.
За гады свайго існавання часопіс адыграў значную ролю ў развіцці айчыннай літаратуры, гаворыцца ў віншаванні. «Тут друкаваліся найбольш яркія творы беларускіх і замежных аўтараў, актуальная крытыка і публіцыстыка. Сёння «Нёман» прадаўжае гэту традыцыю, пастаянна пашыраючы жанравы і тэматычны сектар публікацый», — сказаў Аляксандр Лукашэнка.
У віншаванні адзначаецца, што часопіс таксама ўносіць дастойны ўклад ва ўмацаванне міжнародных літаратурных сувязей, аб’ядноўваючы пісьменнікаў розных краін на аснове высокіх творчых прынцыпаў, закладзеных прызнанымі майстрамі мастацкага слова.